一家

营业中

休息中

自疫情后都好少出街食饭, 想食既野都会尽量试下自己煮, 但都无办法煮到同外面食既味道一样, 所以都系悭返力水出去食仲好。本身无辣不叹既我, 抽起条筋想食辣野, 收工去左筲箕湾揾食, 去左依间上海中菜馆食晚饭, 古色古香既格局, 到处都系打卡位, 几有feel一共叫左三样𩠌加一个甜品, 影下相打下卡好快就上菜啦麻辣香炸凤尾鱼卖相普通但食出惊喜! 表面有层蜜糖, 每条鱼仔炸得非常酥脆可口, 食落甜甜地, 好开胃, 如果配酒咁食一流鲜肉锅贴煎到个底金黄色, 饺子皮唔算好薄又唔会过厚, 一咬就爆哂啲汁出黎, 味道刚好唔好过咸酸菜鱼入面好大量酸菜同芽菜, 鱼肉嫩滑且无骨, 唔洗怕食到鱼骨宽粉系底层, 顺滑得黎带烟韧, 份量都几多, 加上辣度够哂惹味, 食得辣既我地超钟意缸鸭狗玫瑰桂花汤丸一送到黎就已经闻到阵阵玫瑰酒香, 汤丸口感偏软身, 内馅系芝麻流心, 阵阵酒香味配芝麻汤丸都几夹最后饮返杯野解下腻, 白雪雪姑姐系白桃焙茶, 而香气二家姐就系橙柚蜜糖、茉莉茶加罗勒, 两杯味道饮落清新可口, 甜度唔会太高, 啱哂我地依啲怕甜之人整体食物质数同环境都唔错, 味道有啲家既感觉, 菜式都几多, 上菜又快