江浙滬 (堪富利士道) (已結業)

曾经系铜锣湾江浙沪同同事食过几次lunch, 近排发现原来尖沙咀开左分店, 个门面仲要好抢眼, 红灯笼加上木系装潢好有中国风味, 就上去食个晚餐。餐厅环境同门面一样咁有特色, 墙上木雕同字画都加添几分古色古香味道, 餐牌附有实物图。樟茶鸭樟茶鸭做法繁复, 又要烟熏又要脆炸, 唔系度度有得食, 依个樟茶鸭皮脆肉嫩又咸香, 带有淡淡烟熏香, 配埋蝴蝶包一齐食, 中和番个咸味, 别有一番风味。花雕醉香鸡店员摆低时已经闻到好香花雕酒味, 鸡好嫩滑亦好入味, 花雕香渗哂入肉同时亦食到鸡肉香气, 好好食既头盘蟹粉小笼包餐厅有一系列既蟹粉餐牌, 叫左个蟹粉小笼包试试, 皮薄馅靓又多汁, 蟹粉味道令汤汁好鲜甜, 值得一叫!担担面面既汤头十分浓郁, 质感偏浓稠, 好浓郁既花生香气, 有花生粒既口感, 再带少少辣味。面条面质弹牙有口感, 汤够浓所以好易挂满面条, 出色馄饨鸡汤因为食完担担面同樟茶鸭比较浓味既菜式, 好想饮个清清地既汤, 于是叫左一位既馄饨鸡汤share, 好清甜, 中和番担担面既油腻感姜茶汤圆最尾梗系要叫个甜品, 哩d天气最岩食个姜茶汤圆暖暖胃, 姜茶唔太辣亦唔会好甜, 热辣辣饮落好舒服,