醉桃園

营业中

休息中

放工到观塘同旧同事gathering, 带咗我去附近一间楼上餐厅醉桃园打边炉。一开lift门, 装修环境、摆设等富有中国古式风味, 就连混酱酱料都放于中式怀旧茶盅内, 怀旧感十足。呢度有多款火锅配料选择, 小食熟食同样供应, 只系拣野食都需花点时间。火锅汤底拣咗【药膳花雕醉鸡锅(半只)】HK$168药膳锅跟醉鸡分开上台, 汤底滚起后, 侍应加入鸡件, 滚起后再焗十分钟就食得。一打开盖, 散发浓郁甘香嘅药膳味, 令滚起嘅鸡件都相当入味。【牛胸爽】HK$148每片牛胸爽厚薄刚好, 焯熟后入口, 口感超爽, 而且毫无肥腻感。【白鳝片】HK$118鳝片开边, 表皮有光泽, 熟后爽口有鱼鲜味, 但细骨较多, 食嘅时候要小心。【手打鲜虾滑】HK$78很有惊喜!!! 虾滑超足料, 混入咗劲多爽口弹牙嘅虾肉粒, 入口爽口弹牙, 鲜味十足, 推介必食!【黑松露鲜虾饺】HK$88每只鲜虾饺都酿得胀卜卜, 入面猪肉馅料加入了黑松露, 而且有一只原只细虾肉, 皮又滑够薄, 入口散发阵阵松露香, 同埋猪肉馅料嘅鲜甜肉味。