影片
更多
2023-07-08
98 浏览
灯光下通透的和牛烧肉，花纹好靓，油脂慢慢一滴一滴流下来，欣赏了好久，啧啧称奇！选了E级别的放题套餐，平日晚市598加一，120分钟，头盘的A4和牛扒已经不得了，块牛肉同个烧烤盆一样大。职员现烧，火炉好抢火，好似睇表演。今次食烧肉，多得职员负责烧所有头盘，又经常睇住每一台客人烧肉嘅情况会出手相助，服务超级好👍🏻👍🏻👍🏻。我几时都觉得餐厅有职员负责烧，唔会自己烧㶶晒，先至发挥到食材最好嘅一面。真系几开心，同一般烧肉真系另一个层次。和牛质素高，同宣传照片一模一样，件件都系靓肉，又好有牛味。多款选择之中，个人觉得最好食嘅系「和牛里脊肉」，肉质细嫩，又唔会太肥👍🏻。至于「三角腹肉」，虽然影相靓，但系油份重咗少少，一试无妨，食多几件就会济😬和牛刺身、和牛寿司、都系好吸引嘅。卖相非常好，烧肉来讲有埋和牛刺身供应真系几pro。两个人嚟食都话日本雪条放题、爆谷、棉花糖好吸引！牛牛呀，请容许我哋童心未泯的肤浅🍭，我要放弃你、开始食雪条啦！
灯光下通透的和牛烧肉，花纹好靓，油脂慢慢一滴一滴流下来，欣赏了好久，啧啧称奇！
选了E级别的放题套餐，平日晚市598加一，120分钟，头盘的A4和牛扒已经不得了，块牛肉同个烧烤盆一样大。职员现烧，火炉好抢火，好似睇表演。
今次食烧肉，多得职员负责烧所有头盘，又经常睇住每一台客人烧肉嘅情况会出手相助，服务超级好👍🏻👍🏻👍🏻。我几时都觉得餐厅有职员负责烧，唔会自己烧㶶晒，先至发挥到食材最好嘅一面。
真系几开心，同一般烧肉真系另一个层次。和牛质素高，同宣传照片一模一样，件件都系靓肉，又好有牛味。多款选择之中，个人觉得最好食嘅系「和牛里脊肉」，肉质细嫩，又唔会太肥👍🏻。至于「三角腹肉」，虽然影相靓，但系油份重咗少少，一试无妨，食多几件就会济😬
和牛刺身、和牛寿司、都系好吸引嘅。卖相非常好，烧肉来讲有埋和牛刺身供应真系几pro。
两个人嚟食都话日本雪条放题、爆谷、棉花糖好吸引！牛牛呀，请容许我哋童心未泯的肤浅🍭，我要放弃你、开始食雪条啦！
张贴
