DKLM Bar & Restaurant (已結業)

风头火势，出黎食饭饮嘢都要小心卫生。一入到餐厅，首先要量体温，之后店员提供纸巾俾我哋包好个口罩，最后用酒精搓手液洗手，先入到餐厅。虽然比较麻烦，但对于卫生嘅诚意就十足！Fresh fruit Margarita with Lychee / Zombie杯Margarita，酒同荔枝味嘅比例啱啱好，饮落唔会太甜，既有酒味又有清香嘅荔枝味。德国香肠拼盘香肠拼盘共有四款唔同嘅香肠，有猪肉肠同鸡肉肠，每款香肠都有各自嘅风味，佐酒一流。千岛海鲜薄饼比较少见海鲜薄饼上边有三文鱼，但其实味道同薄饼都几夹。除咗三文鱼，薄饼入边仲有蚬肉、带子等配料。千岛酱嘅份量唔会太多，令薄饼食落唔会太咸。薄饼嘅饼底够香脆，食落更滋味。