茶木‧台式休閒餐廳 (MOSTown) (裝修中)

其实一直都想试下传闻中的茶木，但系听闻要排好耐，我一直都无去食。最近总算可以平日下午得闲，就走去试下。幸好不用等太耐，3个人又可以试多几款。『酱烧猪软骨面』〜酱料好入味，有点似花椒八角𠮶种味道，猪软骨好够淋，一点也不靭，面质够咬口，烟烟靭靭咁，几好食。『阿嫲手作葱油面』〜手作面同上面猪软骨面系同一种面，都系烟烟靭靭嘅，加上炸花生，干葱，并配上酱油，捞好之后食，干葱味不够香，食落味道普普通通。『炸鸡扒肉燥饭』〜 有惊喜。鸡扒炸得非常香口，处脆肉滑，调味足，而且不油腻，好好食。肉燥少少甜味，配饭刚好，不会过了头，还有半只溏心蛋配搭。『黑糖红豆绿茶层层叠』〜难得嚟到，哽系试埋佢哋嘅主打，但系就有点失望。多士不够脆但可以接受，但系黑糖红豆就系过甜，甜到过咗龙食唔到，就算配住多士一齐食都系太甜，绿茶雪糕尚可，但系奶味比绿茶味强。『冻 Mocha』〜叫埋野饮完满啲，呢杯冻Mocha好好饮，朱古力味好够浓，咖啡够香。好得！我用层层叠多士浸 Mocha 食，出乎意料非常好味，而且好夹。