泰源獅城風味

营业中

休息中

早几日经过旺角做嘢，见到呢一间舖头，门口摆咗只狮子鱼几得意，于是就走去睇吓佢啲餐牌有咩食，突然有个男仔走咗出嚟，佢话埋嚟试吓啦有位㖞，然后就开始介绍肉骨茶套餐同香锅套餐，见天气咁热佢又咁落力我就试吓啦。呢度系QR code自助落单，坐低之后另外一个男仔攞咗QR code同埋一杯水俾我，然后佢同我讲有需要可以揾返佢帮手，咁我就开始自己落单，嚟到梗系试佢哋主打肉骨茶啦！上菜嘅时候，又系𠮶个后生仔，佢好有礼貌咁讲咗个餐名，然后慢慢放低，问我仲有冇其他需要，又话我知肉骨茶系无限添汤，叫我有需要嘅时候再嗌佢，然后就开始食喇呢个肉骨茶同我印象中嘅唔系好同，下一个呢个肉骨茶系胡椒味嘅，于是我就问吓个职员，佢话我知呢个系白肉骨茶系胡椒味重同埋偏清淡嘅，其实佢唔讲我真系以为佢求其俾咗碗例汤我肉骨茶入边有几条骨，有少少鞋口，不过𠮶酱都OK嘅，但系讲真个汤真系有啲淡，可能系特色啩整体来讲，佢哋嘅服务态度好好，虽然职员好似比较年青，但系服务都唔错，起码冇好似出面𠮶啲咁西口西面，食物方面我个人认为个汤真系淡咗少少，或者呢个真系佢哋嘅特色，系我唔太识欣赏啫😅不过下次我都会再去，因为我见餐牌上面𠮶啲川菜好似几吸引，