串得起串燒專門店

营业中

休息中

晚上10点11点左近，同朋友系显径食下野咁，拣左好耐，就决定试下呢间串烧店，一直都无特别帮衬过，每次经过都感觉，舖头细细地，系一条村入面被几间茶餐厅围住有一间串烧店，周围节奏就比较快，而串烧店就维持自己既节奏，是有一种慢活既享受。店舖既气氛我觉得系唔错，虽然系简陋，但都坐得舒适，而食物方面就平平凡凡，唔可以话好有特色，但系就不过不失，唔会话难食。点左以下食物：海鲜炒乌冬：个人感觉几入味。牛舌：偏韧茄子：咸左少少烧鱼皮鲛：又ok，几有咬感烧牛柳粒：无乜特别不过食物热度方面除左乌冬，其他就暖暖地，唔系咁够热，感觉放够一碟先拎出黎，始终可能觉得食串烧，要热辣辣先入味整体黎讲，如果想朋友倾下计，揾d野咬下，间唔中帮衬都可以，但就未必会系我首选。