奇納百川 (已結業)

我去尖沙咀行街梗系会食埋下午茶，经过呢一间韩式快餐几次都未入去食过，喺门口睇吓佢个餐牌又唔贵，即管入去食过韩国炸鸡当下午茶啦。怕嘈嘅朋友就唔好拣坐到最入啦，枱与枱之间比较迫。见卡位有位，我请服务员俾咗卡位我哋坐。叫咗个蒜香蜜糖炸鸡同埋一个牛肉饭卷。蒜香蜜糖炸鸡份量都唔错，啱啱好够两个人食。明知佢系雪藏鸡，唔觉雪味好重；炸嘅时间啱啱好，脆酱薄薄的一层里面啲鸡肉仲好Juicy。蒜香蜜糖酱系另上，啱晒啲唔食酱汁嘅朋友。牛肉饭卷份量都唔错，都好够两个人食。不过我就觉得有啲普通，好似韩国街嘅饭卷好食啲。