滿江紅小甜甜 (已結業)

系旺角做完野，又热又湿，最想食番啲辣野出番身汗，系朋友介绍下食左位于油麻地登打士街的满江红小甜甜。初初听朋友介绍，以为系先食满江红然后吃小甜甜糖水，原来系同一个名黎。上到去见到有人打边炉，有人吃小菜，今次人少少，试下佢啲小菜先。嗌左个蒜泥白肉，干扁四季豆同埋鸡煲。先上蒜泥白肉，同平时食过既不同，无一层辣油浸住白肉，换上了橙色的辣酱，食落有少少甜，味道特别令人一旧接一旧。第二上系干扁四季豆，没有辣，但炒得够火喉，味道够入味，不会啲豆仲有「飞」水的味道。师傅好似系用左XO酱炒，咸咸地，连埋四季豆一齐食好惹味，饭都扒多两啖。最后上主菜—鸡煲，反而呢个有啲普通，无乜特别。鸡不滑也不算入味。不过呢度都值得encore既。