影片
更多
2020-08-16
1839 浏览
因为男朋友钟意饮手冲耳濡目染下都会留意有质素嘅珈琲店最近在网上见到有关米珈琲嘅报导再睇埋食评已感觉到其名声恶名昭彰不过某程度上都认同老板嘅理念所以冒住有机会被骂嘅心情 硬住头皮都想去试吓今日专程同男朋友嚟到呢间珈琲店品啡怀住战战兢兢嘅心情步入珈琲店入到去之后 就如食评所讲老板会先要求我哋细阅门口的守则（虽然已上网预习 但都再睇一次😂）我哋都再三确认咗手提系DND mode先入座坐低咗先见到吧台位要预约 有点可惜本人认为同珈琲师交流可以提升饮啡体验我点咗耶加雪夫嘅单品珈琲$120老板追问咗一吓我嘅口味 ：个人钟意果酸味重我杯珈琲最初嚟到时闻起嚟有阵红豆味 好神奇温度热嘅时候杯琲嘅酸味冇咁出所以冻咗之后嘅味道 我系颇喜欢的佢嘅酸同我试过其他店嘅酸味颇唔同唔系好单一好乏味嘅𠮶种酸虽然我都唔识形容😂但最欣赏系佢嘅喉韵唔会有种好乸喉嘅感觉男朋友点咗Amber 90+ $180味道偏淡 闻起上嚟有阵腐乳味相信冻咗之后好再好饮啲（但唔知点解杯嘢一直好热）不过系几特别的 偶尔一试特别口味都唔错埋单时老板有问我哋觉得杯琲点大家都交流咗阵其实本身唔系饮琲达人而且都唔太钟意日式手冲但觉得今日有意外惊喜珈琲嘅
耳濡目染下都会留意有质素嘅珈琲店
最近在网上见到有关米珈琲嘅报导
再睇埋食评已感觉到其名声恶名昭彰
不过某程度上都认同老板嘅理念
所以冒住有机会被骂嘅心情
硬住头皮都想去试吓
今日专程同男朋友嚟到呢间珈琲店品啡
怀住战战兢兢嘅心情步入珈琲店
入到去之后 就如食评所讲
老板会先要求我哋细阅门口的守则
（虽然已上网预习 但都再睇一次😂）
我哋都再三确认咗手提系DND mode先入座
坐低咗先见到吧台位要预约 有点可惜
本人认为同珈琲师交流可以提升饮啡体验
我点咗耶加雪夫嘅单品珈琲$120
老板追问咗一吓我嘅口味 ：个人钟意果酸味重
我杯珈琲最初嚟到时闻起嚟有阵红豆味 好神奇
温度热嘅时候杯琲嘅酸味冇咁出
所以冻咗之后嘅味道 我系颇喜欢的
佢嘅酸同我试过其他店嘅酸味颇唔同
唔系好单一好乏味嘅𠮶种酸
虽然我都唔识形容😂
但最欣赏系佢嘅喉韵唔会有种好乸喉嘅感觉
男朋友点咗Amber 90+ $180
味道偏淡 闻起上嚟有阵腐乳味
相信冻咗之后好再好饮啲
（但唔知点解杯嘢一直好热）
不过系几特别的 偶尔一试特别口味都唔错
埋单时老板有问我哋觉得杯琲点
大家都交流咗阵
其实本身唔系饮琲达人
而且都唔太钟意日式手冲
但觉得今日有意外惊喜
珈琲嘅味道固然系原因之一
另外系同珈琲店嘅环境有好大关系
店内嘅守则虽然严格
但又令人有更多嘅me time
依家资讯科技咁发达 香港人生活节奏又咁快
好钟意入到店入面可以放低手机放低思考
同身边嘅人认真沟通 投入享琲嘅感觉
我相信冇咗老板嘅守则
今日嘅体验会变得不一样
虽然好多人觉得老板好恶
但我认为如果大家会互相尊重
好多时都可以避免好多尴尬场面
而且食店同食客之间一向存在不明文嘅互选条件
而老板选择咗先小人后君子嘅方法
我又认为有何不可？
价钱系有点贵
但个人认为整体嚟讲系物有所值
今日我同男朋友都系饮浅烘
下次会再去试老板拿手嘅深烘
仲要揾前预约吧台位！
张贴
