影片
更多
2013-07-26
3 浏览
甜品...可以话系我的最爱, 基本上正餐食到好饱, 但食甜品依然可以食得落。不过, 有D甜品系非常饱肚, 建议唔好食正餐, 直接食甜品就够啦。讲紧系咩甜品咁饱 ??? 就系窝夫、pancake类甜品啰。今次再一次黎到位于尖沙咀既「甜牙牙」, 系啊...我唔系第一次黎架啦, 之前黎过一次系食窝夫,不过呢...上次感觉唔系太好, 因为d窝夫令我有点失望。我觉得整得好既窝夫, 最紧要热, 有香浓牛油味带出面粉既香, 入口唔可以好干,要面层少脆, 里面松软, 咁先为之好味。由于我知道自己唔中意食呢到既窝夫, 所以拣左比较特别D既甜品试试,「阿拉斯加火焰雪山」$68, 话明系火焰, 一定有少少酒精点下火, 再淋上面啦 !我系单睇外表喺MENU入面拣既, 因为佢外表算系吸引嘛 (笑)店员同我地讲, 制作需时, 可能要等20分钟, 我当然冇问题啦, 只要落单时讲明就OK了,不过, 我地等左10分钟就见到真身啦, 卖相同MENU的一样, 冇走样, 整得好靓啊 !店员喺我地面前示范点火, 见佢点左几次都唔著火都替佢担心, 好彩最后都成功了。好啦...睇我切饼仪式啦 XDDD面层白雪雪既系蛋白加糖打成的,
今次再一次黎到位于尖沙咀既「甜牙牙」, 系啊...我唔系第一次黎架啦, 之前黎过一次系食窝夫,不过呢...上次感觉唔系太好, 因为d窝夫令我有点失望。我觉得整得好既窝夫, 最紧要热, 有香浓牛油味带出面粉既香, 入口唔可以好干,要面层少脆, 里面松软, 咁先为之好味。
由于我知道自己唔中意食呢到既窝夫, 所以拣左比较特别D既甜品试试,「阿拉斯加火焰雪山」$68, 话明系火焰, 一定有少少酒精点下火, 再淋上面啦 !我系单睇外表喺MENU入面拣既, 因为佢外表算系吸引嘛 (笑)
店员同我地讲, 制作需时, 可能要等20分钟, 我当然冇问题啦, 只要落单时讲明就OK了,不过, 我地等左10分钟就见到真身啦, 卖相同MENU的一样, 冇走样, 整得好靓啊 !店员喺我地面前示范点火, 见佢点左几次都唔著火都替佢担心, 好彩最后都成功了。好啦...睇我切饼仪式啦 XDDD
面层白雪雪既系蛋白加糖打成的, 入口都未算太甜, 可以接受的甜度, menu上见到系用橙酒点火成火焰,但我又食唔出有橙味噃, 不过都唔系咩重点黎既。中间有d 咩呢...就系cream、生果、雪糕, 仲有少少窝夫添㖞, 不过今次既窝夫比上次好d,因为有大量cream、雪糕令佢软身左, 所以入口时唔会好干。整体黎讲, 呢个火焰雪山我觉得唔错, 有蛋白花、cream、雪糕既软滑, 又有窝夫既咬口,加埋新鲜生果同朱古力酱点缀, 成个甜品都好丰富, 最重要系佢冇落太多酒, 否则一定大打折扣。
另一款系「芭娜娜提拉米苏pancake」$49, 呢个真系抵食夹大件啊, 好后悔食饱饭先去甜牙牙,因为食两个咁有份量既甜品真系会劲劲劲饱架。呢个pancake我地都系等左15分钟左右, 一上台, 哗, 好似好好味咁㖞,只睇入表就好掂啦, 唔知食落又系畸既呢, 哈哈。
切开一睇, 共有两块pancake夹住一片片既香蕉, 同埋香蕉蓉, 仲有marscarpone cheese,umm...好香好软, 老实讲, pancake比窝夫好食好多, 绝对唔觉得佢干, 而且有两种不同既香蕉喺入面,增加左口感, 加埋cheese, 简直系...BRAVO...好味, 不过呢个pancake我建议4个人食好d,因为可以有空间再试其他甜品吖嘛, 呢晚我地两个女仔食, 好勉强都食唔哂 xddd
拿拿拿...又一眼阔肚窄实证啦, 两个人叫两个咁有份量既甜品仲唔够, 仲要叫多个xdddd「法式焦糖炖蛋」$32, 以呢个价钱黎讲算大size啦, 我自己平时食唔中意太多糖,今次一下子唔记得叫少糖, 就真系好甜啦, 虽然焦糖好香, 不过太多会好漏啊 !第一啖入口好香蛋味奶味, 做得好滑, 质地就好似林左少少, 不过都ok既,中意食cream brulee既朋友可以试试喔 ^^
当晚我地大约8:30去到, 人客未算多, 所以唔洗等位, 如果过左9:00去, 就可能要排队等位啦。店员会提供清水俾客人, 这点值得一赞既, 如果店员唔记得俾, 你直接问佢攞就可以了。讲真, 如果香港既雪糕店、甜品店都肯做多少少, 送上一杯清水俾客人就好啦。张贴
