意粉 360 (已結業)

呢日同妈子过黎屯门，唔知点解好想走入黎呢度食野。呢度野食唔算太贵，而且选择都算几多，所以都几吸引我呢后生仔。不过呢日就唔叫set，反而想散叫。小食芝士焗茄子意粉屋都会食既产品，呢度都整得几好。预先将茄子加上蛋浆半煎炸，再加上白汁同芝士焗。点样会唔好食呢？个茄子好惹味，而且芝士味好浓，真系几好食架。主菜和风咖喱一口鸡石锅饭一口鸡即系细件既炸鸡，呢个就无乜特别。而个咖喱汁就唔会太辣，但同个饭既味道都几夹。每次食石锅饭，都期待既饭焦，呢次就唔系太多啦。我有失望，点都好，呢个饭都唔错既。烟三文鱼pizza呢个几好食，个批底整得好薄。而且配料好多，烟三文鱼系好新鲜。而且个芥茉酱既味道好惹味，而且芝士份量都几多。真系好正。饮品、甜品冻莫加咖啡一饮落去，咖啡味好重。但当中又不乏朱古力味，而且可以自已落糖水，甜度可以自已控制。绿茶雪糕绿茶味好浓既雪糕，但又不乏奶味。呢餐都唔错既，食物既质素都唔错。而且坐得舒服，点都有下次既。