滾喜火鍋專門店 (已結業)

话说已经差不多一年冇食鸡煲，喺朋友推荐下就试吓呢间系旺角嘅滚喜鸡煲边炉。通常一般鸡煲都系食完鸡之后就叫𩠌打边炉，呢度食完鸡之后嘅火锅系任食嘅，完全唔使就住就住，坚系正！我哋一坐低就拣咗一个麻辣鸡煲同一个芝士鸡煲。麻辣鸡煲就正常嘢，至于芝士鸡煲就十分浓芝士味，食落真系几正！呢度嘅鸡煲肉比较多，啱晒钟意啖啖肉既我！食完鸡煲之后，就开始打边炉。我哋拣咗个最高级嘅安格斯牛，仲有得食埋美国桶蚝。牛肉都几出色，而桶蚝就真系劲大只，有成只手掌咁大。其他食物都算唔错，牛柏叶同水鱿就特别新鲜。至于饮品方面，都有几多选择，好似竹蔗水，柠檬茶，乌龙茶，凉茶同汽水等等，实有一款啱你饮战斗左两个半钟之后，我哋全家人都捧住个肚走，啲员工亦好好相与。总括嚟讲，滚喜系少有嘅抵食鸡煲加任食火锅，如果大家想食鸡煲，都不失为一个唔错嘅选择！