影片
更多
2010-06-22
81 浏览
难得男友主动「献计」话想食我觉得听落「好佬」的润牛面，从未试过系深水埗食野既我又岂能不奉陪到底呢？揸车话咁快黎到福荣街，除左见到有好多警察系度抄牌之外我仲发现原来维记有成三间铺咁犀利，有两间既门口仲有人龙，心谂大热天时系深水埗都有咁多人愿意热住等，莫非真系人间美味？泊好车后我们立即去到「元祖」店排队，我问点解唔去无人排个间，噢，原来个间无冷气供应的，难怪难怪。我地排队既位置啱啱系间便利店出面，好多人出出入入搅到我觉得唔好意思，好似阻住人地做生意咁好彩条人龙去得好怏，大若10分钟左右就有位。维记原来无提供ABC或常餐架，我地叫左冻奶茶、咖央多同润牛面。食物好快到，阿婶面对咁多客人咁多单都不慌不忙，见我地两个人却只叫一个面亦无up sell 我地叫多d野，而且醒目递多一只碗，整体感觉无澳牛咁催迫，唔错唔错。地方尚算干净企理，奶茶够茶味之余唔会太苦涩而且有奶香。咖央多就有d失望，火喉是控制得唔错既，两面都有焦香，不过一咬落去好糊口，无椰香味，麻麻地。「名物」润牛面终于黎喇，成个碗边挂住个d猪润既物质，感觉好似好坚，我细个都成日食猪润饭既，所以我接受得到只不过当知道胆固醇含量强劲加上以家无咩地
揸车话咁快黎到福荣街，除左见到有好多警察系度抄牌之外我仲发现原来维记有成三间铺咁犀利，有两间既门口仲有人龙，心谂大热天时系深水埗都有咁多人愿意热住等，莫非真系人间美味？
泊好车后我们立即去到「元祖」店排队，我问点解唔去无人排个间，噢，原来个间无冷气供应的，难怪难怪。
我地排队既位置啱啱系间便利店出面，好多人出出入入搅到我觉得唔好意思，好似阻住人地做生意咁好彩条人龙去得好怏，大若10分钟左右就有位。
维记原来无提供ABC或常餐架，我地叫左冻奶茶、咖央多同润牛面。食物好快到，阿婶面对咁多客人咁多单都不慌不忙，见我地两个人却只叫一个面亦无up sell 我地叫多d野，而且醒目递多一只碗，整体感觉无澳牛咁催迫，唔错唔错。
地方尚算干净企理，奶茶够茶味之余唔会太苦涩而且有奶香。咖央多就有d失望，火喉是控制得唔错既，两面都有焦香，不过一咬落去好糊口，无椰香味，麻麻地。
「名物」润牛面终于黎喇，成个碗边挂住个d猪润既物质，感觉好似好坚，我细个都成日食猪润饭既，所以我接受得到只不过当知道胆固醇含量强劲加上以家无咩地方食到已经多年无食。个汤食得出几浓的姜味，猪润无怪味应该系处理得宜加上姜用得重手既关系。猪肉片个样已经煮到无咩颜色，亦都无咩食味，面身方面我觉得可以硬番少少。
整体黎讲欣赏维记多年用心做好自己耍家的食物，专注而唯一的精神系现今讲求新颖有变化的市场已经好难持守，难得维记做得到之余以呢个社区的群众亦支持，这例子实在给予整个世代一种无形的鼓舞，加油。
张贴
