影片
更多
2014-08-18
3129 浏览
4月6日, 得悉喺鲗鱼涌公厂大厦有一间做堂食又做外卖嘅PIZZA店, 所以今晚喺PIZZA HUT, PHD以外, 我地就拣咗叫呢间PIZZA店嘅外卖~::: 2人餐 :::::: 汤 + 沙律 :::呢个蕃茄汤好杰, 绝对唔系加水沟稀, 味道亦都好浓郁, 酸酸甜甜咁非常之开胃~ 凯撒沙律份量都唔少, 每人有一兜, 沙律菜唔算新鲜, 不过捞咗沙律酱食都ok嘅.::: BBQ Pizza :::个pizza饼底用上烧烤酱好惹味, 甜甜地十分之醒胃~ 用料有粟米、火腿同猪肉肠, 啱晒啖啖肉嘅我~ 饼底系薄批𠮶只, 热食好香脆又唔会韧, 不过一定要衬热食~::: 蜜糖烧鸡翼 :::鸡翼十分好味, 味道十足肉质幼嫩, 仲有成8只咁多, 好满足~::: 烧法国带子配AGE自家制墨鱼汁扁意粉 :::呢个可以话系全店推介, 包保食完会想再encore~ 墨鱼汁好浓郁, 佢地仲会额外附加一兜墨鱼汁, 唔够可以自己加~ 意粉除咗墨汁味之外, 仲有淡淡嘅蒜香, 味道有层次感~ 唯独带子只有3粒, 好似唔系好够, 味道系唔错, 煎得好香又唔会㶶, 仲落咗d调味~::: 蓝莓奶冻 + Tiramisu :::
::: 2人餐 :::
::: 汤 + 沙律 :::
呢个蕃茄汤好杰, 绝对唔系加水沟稀, 味道亦都好浓郁, 酸酸甜甜咁非常之开胃~ 凯撒沙律份量都唔少, 每人有一兜, 沙律菜唔算新鲜, 不过捞咗沙律酱食都ok嘅.
::: BBQ Pizza :::
个pizza饼底用上烧烤酱好惹味, 甜甜地十分之醒胃~ 用料有粟米、火腿同猪肉肠, 啱晒啖啖肉嘅我~ 饼底系薄批𠮶只, 热食好香脆又唔会韧, 不过一定要衬热食~
::: 蜜糖烧鸡翼 :::
鸡翼十分好味, 味道十足肉质幼嫩, 仲有成8只咁多, 好满足~
::: 烧法国带子配AGE自家制墨鱼汁扁意粉 :::
呢个可以话系全店推介, 包保食完会想再encore~ 墨鱼汁好浓郁, 佢地仲会额外附加一兜墨鱼汁, 唔够可以自己加~ 意粉除咗墨汁味之外, 仲有淡淡嘅蒜香, 味道有层次感~ 唯独带子只有3粒, 好似唔系好够, 味道系唔错, 煎得好香又唔会㶶, 仲落咗d调味~
::: 蓝莓奶冻 + Tiramisu :::
甜品要咗一个蓝莓奶冻, 另外加钱要咗tiramisu~ 奶冻就普通野, 不过tiramisu就唔太值得加钱... 虽然佢味道系唔错, 手指饼亦够咖啡香, 但个质感就唔系好预期之中, 有少少实实地, 有d失望...
总括, 呢间半外卖式pizza店, pizza同意粉都有水准, 虽然价钱贵少少, 但总比成日食pizza hut都食到闷~ 佢地有印花储, $60换一个, 储够10个就可以当$60用, 都几化算, 我地都会耐唔中叫一次, encore佢个带子墨鱼汁意粉~
张贴
