皇茶 (已結業)

话说大陆近排好兴饮某品牌芝士奶盖茶，一开波要排队排几个钟，仲要俾人炒到成旧水一杯后尾我饮过一次，个奶盖嘅奶味同咸味的确比较重，不过除左个奶盖又好似无乜特别咁。某日收工口痕想饮杯奶茶，见到北角开咗间皇茶，谂返起喺大陆饮个杯奶盖茶，所以想试吓香港同大陆嘅奶盖茶有咩分别。始终比较少人喺度等（夜晚9点几），所以职员好快就整好杯嘢饮俾我。个杯嘅设计同大陆饮开嘅一样，都系想你饮咗啲奶盖先，然之后再试吓茶嘅味道。个奶盖一如所料，芝士味系几浓，所以奶味咸味比较重，亦唔似一般奶盖咁「漏」，加上绿茶粉点缀，算系中和番少少咸味，味道不俗。不过沟落茶入面𠮶阵，奶盖嘅特色就无发挥出嚟，同普通台式奶茶无乜分别，所以纯粹系奶盖特别，整体就一般啦。香港呢间价钱就比大陆平好多啦，我叫左杯皇芝士奶盖红玉茗茶都系22蚊，比起大陆23蚊人仔一杯的确平啲嘅～试吓都ok，不过就无一试再试欲望啦！