江戶前日本料理 (已結業)

大约两个礼拜之前，有个朋友揾我食饭。二话不说就黎呢度食，其实我都想黎食。只系揾唔到机会而已。听佢讲，呢度野食都几抵，三、四十蚊就有一个lunch。应该都几抵既，不过点几钟餐厅都系坐唔满既。三文鱼寿司跟餐加5蚊有两件既，三文鱼都算几新鲜，好有鲜味。但最败笔既系，个寿司饭系暖既，而且一食就散左。唔算太好食，但5蚊2件仲可以有乜要求呀。咖喱吉列猪扒饭一见到个饭，就觉得汁唔够捞饭。结果就真系出现左呢个情况。个饭都算几烟韧，而且个份量真系几多。而个咖喱汁就唔算太辛口，似番日式咖喱既味道。就系个饭既份量太多，而显得猪扒既份量好少。而猪扒都几好食，肉质唔太韧。而个炸粉唔太多，都算系几好食既猪扒。芒果红茶系个朋友介绍我饮既，都几重芒果味。虽然有小小人造芒果味，但又唔会无哂茶味。重要既系，呢个饮品系跟餐，都算系咁啦。整体上都普通啦，不过服务唔太积极。唔知有无下次啦，始终都系觉得野食唔系特别好食。又唔算话太平。