霹靂南洋 (Ladder Dundas) (已結業)

屋企人生日谂住去试下中/西餐以外既餐厅，亦因为我地有亲戚都住马拉，所以拣左马拉菜试试佢，当系一个想念啦！餐厅既食物选择唔算好多，我地当然拣左肉骨茶啦～猪手肉骨茶同埋腩肉排骨肉骨茶。热就够热，可惜肉骨茶得阵咸味，无个种类似中药既味道饮落口之后亦都无令人暖笠笠个种感觉，流流地，只系似一个热汤浸肉既煲咁，有啲失望。（去马拉饮过既肉骨茶饮完会有小小发热既感觉）之后亦都叫左个小食拼盘同怡保芽菜鸡半只，讲真两样野都好一般，如果你话系港式菜我都无咁失望可能辣到似马拉野咁就可以叫做系马拉野挂，而我地再嗌野食既原因只系因为4个人唔系好够饱先拣，menu选择都唔多。难得同屋企人食饭大家都食到颓左，无下次。