小時光 (已結業)

呢间Cafe嘅卖点就系令食客重拾返学嘅感觉。里面唔同嘅角落都有「课室」、「训导室」、「留堂室」既指示牌，彷佛你就系间中学入面，感觉新鲜。连食用嘅筷子都好似颜色笔咁，虽然有啲唔惯，但都几特别。每张枱下面都有个柜桶，就好似你中小学时上堂用嘅枱咁，但望落都几污糟，所以都系当装饰，唔会真系摆嘢入去。讲到食物嘅质素，好老实，真系好一般。啲盐酥猪扒比较干，而且面粉皮比较多，食唔到猪扒嘅香味以及佢嘅质感。啲饭都比较硬，食到一半已经唔想再食。总括而言，呢间台湾咖啡室嘅内部装修确实特别，我都好欣赏创办人嘅创意。但假如食品嘅质素有改善，相信定会更多人光顾。值得一试，但不会再试。