影片
更多
2024-07-17
559 浏览
呢间「东京街日本料理」唔系第一次食，我之前喺朋友屋企开party叫过外卖，觉得性价比几高，刺身寿司款式多之余，价钱又OK，所以就胆粗粗嚟咗土瓜湾分店堂食，点知简直系中大伏😂🚁🚁🚁🚁 绝对唔建议大家嚟堂食😮💨首先环境坐得唔舒服，可能因为舖头选址喺土瓜湾，服务生系一啲讲唔咸唔淡广东话嘅内地姐姐，感觉好似入咗去谭仔食米线咁，然后我同朋友坐咗喺寿司师傅前面嘅吧枱，谂住斟水，点知原来座位前嘅斟水机竟然冇驳水管，加上连最基本嘅绿茶粉都冇供应，感觉唔似日本餐厅😣 最搞笑嘅系，果晚只得「谭仔」姐姐，完全冇寿司师傅嘅踪影，欣赏唔到佢哋处理日式料理嘅功架。当日我哋叫咗Dinner set, 包一碗面豉汤及沙律🥗，面豉汤死咸都系意料之外嘅事，点知啲嘢食竟然咁图文不符，大失所望。👎🏻 吞拿鱼拖罗蓉丼吞拿鱼丼个卖相仲衰过另一间地铁站连锁店「争X」，味道食落去唔奇怪，但个色水真系有啲难睇，另外吞拿鱼蓉质素口感唔差，但碗丼饭明显寿司饭为主，鱼生切得太薄，感觉好寒酸。🤏🏻三文鱼海胆鱼籽丼三文鱼睇嚟系餐厅嘅招牌菜，上次同今次食嘅三文鱼都好厚切，海胆同鱼籽冇腥味，感觉还好。相比吞拿鱼🍣，简直系天堂与地狱之别。以$158
首先环境坐得唔舒服，可能因为舖头选址喺土瓜湾，服务生系一啲讲唔咸唔淡广东话嘅内地姐姐，感觉好似入咗去谭仔食米线咁，然后我同朋友坐咗喺寿司师傅前面嘅吧枱，谂住斟水，点知原来座位前嘅斟水机竟然冇驳水管，加上连最基本嘅绿茶粉都冇供应，感觉唔似日本餐厅😣 最搞笑嘅系，果晚只得「谭仔」姐姐，完全冇寿司师傅嘅踪影，欣赏唔到佢哋处理日式料理嘅功架。
当日我哋叫咗Dinner set, 包一碗面豉汤及沙律🥗，面豉汤死咸都系意料之外嘅事，点知啲嘢食竟然咁图文不符，大失所望。
👎🏻 吞拿鱼拖罗蓉丼
吞拿鱼丼个卖相仲衰过另一间地铁站连锁店「争X」，味道食落去唔奇怪，但个色水真系有啲难睇，另外吞拿鱼蓉质素口感唔差，但碗丼饭明显寿司饭为主，鱼生切得太薄，感觉好寒酸。
🤏🏻三文鱼海胆鱼籽丼
三文鱼睇嚟系餐厅嘅招牌菜，上次同今次食嘅三文鱼都好厚切，海胆同鱼籽冇腥味，感觉还好。相比吞拿鱼🍣，简直系天堂与地狱之别。以$158呢个价位，款式多之余，食完唔肚痛嘅都算唔错啦。
想同店主讲，如果入唔到靓嘅吞拿鱼，倒不如唔好买🤣又或者卖贵少少，入货入好啲，唔系真系倒自己米。虽然系咁多劣评，但呢间嘅外卖都好值得购入☺️
三文鱼海胆鱼籽丼
$158
3 浏览
0 赞好
0 留言
吞拿鱼拖罗蓉丼
$108
56 浏览
0 赞好
0 留言
张贴
