影片
更多
2023-04-05
214 浏览
公众假期经过上环呢间妈咪鸡蛋仔，心血来潮想买返屋企食。到店时已经有一大堆大陆客同一对外籍客企喺度等拎外卖。我买咗两份食物，一份鸡蛋仔，一份格仔饼，企左喺度等叫号码拎嘢食。公道讲句，呢间食物向来都过得去，价钱越加越贵都算，但坐收银嘅员工态度真系越嚟越恶劣！平时都帮衬开，次次买一份鸡蛋仔，佢会入个无封口兼且有好多个窿嘅纸袋俾你。如果要问佢要个胶袋入一入拎走，都会唔好态度，西口西面，但都会死死地气入俾你。因为唔系即刻食，行返公司都有15分钟路程，又有车尘，所以无办法。而今日去买两份食物想拎走，唔系企街食，一开口问佢入一入胶袋，直头死死地气队个袋俾你叫你自己入。我话可唔可以帮手入一入埋，因为我有嘢拎住，手唔干净，唔方便自助入袋，佢仲反驳我话政府要收胶袋钱，俾个胶袋你已经好好！我话外卖无密封包装系可要求要袋，佢就睥住我，问我「咁系咪唔要袋！」其实究竟系咩态度？我有礼貌问你𠮶位收银，唔预你真系次次都态度咁差。嘢食几好都无用，有时做生意唔系话好食就得，态度咁差，食完都一肚火。顺带一提，等食物嘅期间都有对外籍人买饼，收银就即刻入好胶袋俾人。究竟系咪香港人买就西面，外国人同大陆客就即刻笑哂嘴？如果呢间分
到店时已经有一大堆大陆客同一对外籍客企喺度等拎外卖。
我买咗两份食物，一份鸡蛋仔，一份格仔饼，企左喺度等叫号码拎嘢食。
公道讲句，呢间食物向来都过得去，价钱越加越贵都算，但坐收银嘅员工态度真系越嚟越恶劣！
平时都帮衬开，次次买一份鸡蛋仔，佢会入个无封口兼且有好多个窿嘅纸袋俾你。如果要问佢要个胶袋入一入拎走，都会唔好态度，西口西面，但都会死死地气入俾你。因为唔系即刻食，行返公司都有15分钟路程，又有车尘，所以无办法。
而今日去买两份食物想拎走，唔系企街食，一开口问佢入一入胶袋，直头死死地气队个袋俾你叫你自己入。
我话可唔可以帮手入一入埋，因为我有嘢拎住，手唔干净，唔方便自助入袋，佢仲反驳我话政府要收胶袋钱，俾个胶袋你已经好好！我话外卖无密封包装系可要求要袋，佢就睥住我，问我「咁系咪唔要袋！」
其实究竟系咩态度？我有礼貌问你𠮶位收银，唔预你真系次次都态度咁差。
嘢食几好都无用，有时做生意唔系话好食就得，态度咁差，食完都一肚火。
顺带一提，等食物嘅期间都有对外籍人买饼，收银就即刻入好胶袋俾人。究竟系咪香港人买就西面，外国人同大陆客就即刻笑哂嘴？
如果呢间分店嘅负责人有读到呢篇文，真心想同你讲，唔好次次都赖政府要收胶袋钱，非密封外卖食物系有豁免的。如果系你单方面想悭成本，你可以直接讲明，外卖入胶袋要收钱。
另外，态度咁差系真系会赶客！
张贴
