池記 (已結業)

今日放假，去开九龙湾行街，响德福广场看看有乜食肆，最后决定去池记食午餐。店内环境挤迫，座位之间又窄，坐得唔系太舒服。服务方面，店员虽然忙碌，但有礼貌，这点令人满意。可惜味道方面，只属一般，用来填饱个肚绝对冇问题，但要再次帮衬，就要谂谂。今次叫了蟹粥同两个午市套餐，套餐拣了饭同小食,另加$3可选豆浆或薏米水。吉列猪扒菜饭配咖哩汁，猪扒炸得外脆内软，又唔油，咖哩汁有少少辣,味道一般,菜饭味道刚好，唔会过咸。炸鲮鱼球唔系太好食，炸过了火，外皮又干又韧，鲮鱼肉唔弹牙，而且调味太咸。金衣蟹皇粥，粥底绵又唔咸，可惜只蟹全没有鲜味，蟹肉还有少少霉，加了咸蛋黄扮蟹膏，感觉有少少取巧，价钱要$58一小碗，我觉得以这个质素来计，唔系太值。五宝汤饭，有云吞、冬菇、虾球各两只，菜肉云吞、水饺各一只,一大碗看来好丰富，其实味道一般，最唔满意云吞同水饺，馅料唔系太新鲜，反而冬菇厚身又好味。汤底唔知系咪加了味精,食完好口喝.南瓜炸虾卷，香脆唔油腻，可惜南瓜唔清甜，虾肉有雪味。成餐饭最大惊喜系杯薏米水，味道唔会过甜，有阵阵嘅姜味，薏米多，又浓郁，好好饮。