影片
更多
2010-05-11
18 浏览
上次食甜品, 见到有呢间斯里兰卡餐厅, 本港真系少有, 门面装修好特别, 仲有支旗在上面fig fig 吓, 已决定要一试, 今日有时间, 拉左大猪女友和妈来!晚上的西贡, 全部的餐厅都全力拉客, 尤其系d 海鲜档, 但此餐厅又要在呢排海鲜档的后面; 要行到过来真系有d过关斩将咁~来到门外的时候, 秉承西贡的传统, 马上有个职员哥哥出来招呼, 热烈推介下, 我们也进内坐下了.内的装修几特别, 有个喷水池仔但内的光管系青色; 左右两边挂左好多斯里兰卡的相.有个吧仔, 仲有特别既就系 - 三角型的天花, 向著中间扩张上去, 好够空间感.都饿了. 睇menu 喇;其实真系唔太识点叫, 只系睇左openrice, 而全港原来系只得一间斯里兰卡菜馆的;好多都想试~ 叫哥哥介绍, 佢推介斯里兰卡入口的蟹, 但大猪女友皮肤发作紧敏感,今餐都系同呢味菜无缘~拣了又拣, 最后叫左:乜都有的大拼盘 (fish roti 必食嘛!),人人赞又有特色的pittu,门口的牌推介的devilled chicken,怕辣的阿妈要pork black curry少辣;另见有d斯里兰卡入口的汽水, 有橙, 屁廉, 姜
晚上的西贡, 全部的餐厅都全力拉客, 尤其系d 海鲜档,
但此餐厅又要在呢排海鲜档的后面; 要行到过来真系有d过关斩将咁~
来到门外的时候, 秉承西贡的传统, 马上有个职员哥哥出来招呼, 热烈推介下, 我们也进内坐下了.
内的装修几特别, 有个喷水池仔但内的光管系青色; 左右两边挂左好多斯里兰卡的相.
有个吧仔, 仲有特别既就系 - 三角型的天花, 向著中间扩张上去, 好够空间感.
都饿了. 睇menu 喇;
其实真系唔太识点叫, 只系睇左openrice, 而全港原来系只得一间斯里兰卡菜馆的;
好多都想试~ 叫哥哥介绍, 佢推介斯里兰卡入口的蟹, 但大猪女友皮肤发作紧敏感,
今餐都系同呢味菜无缘~
拣了又拣, 最后叫左:
乜都有的大拼盘 (fish roti 必食嘛!),
人人赞又有特色的pittu,
门口的牌推介的devilled chicken,
怕辣的阿妈要pork black curry少辣;
另见有d斯里兰卡入口的汽水, 有橙, 屁廉, 姜味等;
橙同忌廉由细饮到大, 所以我叫了比较少饮的姜味. 又几冰冻, 少许辣又几开胃~
拼盘先上喇, 当然. 一篮仔的小食, 马上攞个三角型的鱼roti 先~
有所不知, roti 系"煎鱼杂菜三角包" 咁解. 系d鱼加入洋葱, 辣椒等再煎, 才放上包上,
再折成三角型的包.
好热. 切开出烟, 似似地个三文治咁, 但d鱼睇得出系一丝丝的; 唔太辣,
但如果可以多少少鱼就仲好;
炸豆蓉饼"dhal vade", 好似一块曲奇饼咁, 但系劣到深啡色;
少许硬, 少许脆的, 食落有d香料味, 又唔算太油.
另仲有炸鱼薯球, 鸡肉薯仔咖哩角; 都系炸的, 明显系深受印度饮食文化影响;
味同印度的也是差不多, 只系冇咁浓烈.
食完个拼盘已半饱, 其他的菜继续上~ 当然食个pittu 先. 即椰蓉蒸饭+咖哩豆;
用竹筒蒸出o黎的圆柱型, 真系几特别; 加上有椰香, 闻倒有d 甜味咁.
想用个匙羹分开三人食, 才发觉d 饭系痴住一旧, 好似系一条过咁!
最后用刀切~ 好似切肠仔咁. 估佢唔倒~
和闻倒的一样, 食落有椰香, 几甜; 跟的咖哩系豆咖哩; 样系深黄色, 但系几浓, 几杰; 唔系水注注的咖哩.
笔一羹, 放上饭, 哗几辣~ 香料味也几浓烈. 呢味系今晚最似印度咖哩/印度菜的味道呢.
点薄饼也好合适.
个devilled 鸡, 其实唔系魔鬼, 系"斯式甜酸炒" ~ 加入了葱, 辣椒, 糖等, d 甜酸汁同中式的咕噜汁真系异曲同工. d 汁几甜, 点包我个人唔系咁钟意; 但d 鸡真系几入味, 就咁食已好好, 肉够嫩唔韧, 少少烧鸡的味道.
pork black curry, 其实一d 都唔似咖哩, 其实系d啡黑色的浓汤o黎.
d猪肉已好淋, 切到好薄, 唔肥的; d 浓汤散发出浓烈的香料味, 饮一口,
味道却冇个样咁浓咁香, 只系少许咸喇. 系比较逊色的一味.
由于系汤咁, 也不合适点薄饼食...
最后仲有个甜品, 哥哥落力推介"watalappam", 系椰子奶, 棕榈树糖, 及加了香料的蛋,
(cinnamon及蜜糖等), 蒸熟再雪冻的一个pudding.
味有d 似炖蛋, 但食到下面有d 蜜糖, 开始有d 甜, 继而才食出d 香料味, 好特别,
妈问可否像炖蛋咁热食, 厨师亲自出o黎回答, 系唔得架, d蛋会唔"琼". 所以要雪冻.
真系未食过, 推介~
食完d咖哩有呢个清新的甜品, 真系一流.
服务一流, 全体职员都好落力, 好友善.
下次哥哥说可试lamprais ,即蕉叶饭, 听落都几吸引, 系薄饼切条再加入肉碎,蛋, 葱等炒~
真系想不到全港只此一家斯里兰卡餐馆. 爱浓味辣咖哩的我, 都系觉得印度式o岩我d. 但爱mild d, 清d 味的朋友可能会系个惊喜.
张贴
