吉豚屋吉列豬扒專門店 (已結業)

一向只卖炸猪扒等炸物嘅吉豚屋，好似推出咗新菜式，行过见唔系咁多人等位，于是攞个筹等位。等咗十分钟入去入坐底，点咗鐡板生姜汁猪扒定食，吉列猪柳泡菜锅乌冬定食，由于两个定食都系热气嘢，顺带order两杯跟餐清热推介热菊花蜜特饮。菊花蜜特饮浮住一朵菊花，我呷了一啖，唉﹗伏已中，今次真系大整蛊，竟然系柑桔柠檬味（我对柑桔有抗拒），呢杯所谓菊花蜜，我跟本谂唔到同菊花扯上什么关系，除咗浮面𠮶朵菊花外，完全冇菊花味，似乎求其将柑桔柠檬蜜加朵菊花，就当作多款饮品滥竽充数；既然系咁，点解唔干脆取名做柑桔柠檬菊花蜜呢?!至少畀人感觉抵饮尐；为咗唔好浪费，结果我女女要挨义气哽埋我𠮶杯菊花蜜特饮。我明白呢尐纯粹个人喜好问题，事实上系货不对办嘛，餐厅方面系咪应该要有明确嘅商品说明呢﹗鐡板生姜汁猪扒定食，配椰菜丝同豚肉汤，猪扒上面仲有一pat日式沙律酱，豚肉汤好足料，味噌汤底加有好多蔬菜同豚肉，味噌汤渗有肉香加上红萝卜嘅甜味，味道层次丰富，可惜唔够热，扣晒分；姜汁猪扒肉质好焾好滑，日式沙律酱配椰菜丝系perfect match，配姜汁猪扒就。。。，可能鐡板关系，沙律酱焮到热晒，食落有尐失真，如果碟上效果会好尐。