蘭芳園

营业中

休息中

好多年前,阿诗带过我去试中环兰芳园(大排档),阿诗话呢度既捞出丁同热奶茶最正!隔咗咁多年,印象都已经依稀,只约略记得个捞出丁同热奶茶都好平凡,只是普通货色!因为如果系绝顶好味既!就算过咗几多年,我都会记得!好喇,知悉尖沙咀(前身系up dup mall商场)新开咗间兰芳园...趁住今日元旦假期,就同老公仔黎试下啦!...唉...新一年第一日出街食既第一餐...居然唔好食!(咁讲好似好刻薄咁?!)不过我写得食评,就系要写真话呀!加上我既金句:"口味既野,系好个人架嘛!"...所以有咩得罪地方,请多多包涵啊!记忆中...好耐冇食过一间"只得饮品掂而野食系唔ok既食店"...而尖沙咀呢间兰芳园就系喇,个冻奶茶ok...但其他食物就...唔--好--食--啰!嗌咗个喇沙鸡扖出丁,鸡扖嚡硬un样样齐!完全唔掂!配餐既猪仔包,最好趁热食呀!冻咗真系咬唔开架!系系系...我知我知,猪仔包系要硬至好食,但都冇话硬成咁架?!咁不如搬旧石头黎搽d牛油俾大家食得啦!花生酱多士...ok既,不过佢地既花生酱,食落味道竟然似架央多士...又会咁既?唔通俾错咗我?!张櫈几有特色,櫈面上有个"兰"字...不过...