必勝客 (已結業)

Lunch个时去左呢间Pizza Hut，贪坐得舒服，个埸多空位！客人得十个以下，但竟然lunch set menu的黑松露意粉同咸蛋黄酱鸡肉焗饭暂时供应!? 无得试伏，就叫个「点芝扭扭批精选2人套餐」$332先！两款批都几吸引，自从上次试完Simon Yu三文鱼之后，今次都系食番普通批「陆上爆点」。陆上爆点个爆点系芝士，岩晒芝士迷！扭扭批边无得输，拉出黎会见到双色芝士，芝士色香到一个点。陆上爆点表面既芝士都比其他批既为多，加$10追加点点芝士酱，就啖啖都系芝士加芝士啦！配料方面，主要食金门火腿、青瓜，味道都几ok。但系呢间分店唔好食既系葡国鸡意粉同野饮。唔知系咪太少客，整得好求奇。好似摆左好耐，岩岩拎去番热左一阵咁，原来唔系整碟都系热，鸡肉仲有阵味，个汁都唔系平时既水准。野饮都系失水准，饮落唔同左。薯条又㶶。早知咁差，真系唔会叫套餐。