影片
更多
2014-09-07
1678 浏览
游走深水埗耀东街，好容易就会谂起排档。上年打风前，帮衬过苏记，当时开尽晒风扇都好热，但系就好够人情味。呢次就轮到苏记对面嘅长发。行过去𠮶阵，女友就问：「会唔会食到好贵？」我就咁答：「唔通深水埗食碗面都要百零蚊落楼咩！」可能系接近六点食饭时间，苏记的确冇咁多人帮衬，而且每枱客只靠麻雀枱橙照明，同灯火通明又开尽晒风扇嘅长发，食客一轮一轮咁接住嚟，真系天与地之比！又咁啱听到啲材料陆续沽清，阿事头婆就话听日（星期日）唔开，所以呢日入少啲货，唔知系咁啱定系好揾到唔做星期日嘞。班伙记事头个个都系粗豪效率型，一二三就问我哋食乜，一二三就开晒炉头煮面食，总之就同苏记种慢条斯理系两个世界。其实入到嚟都谂唔到食乜，女友就叫我食豉油捞面，拼个墨丸，佢食鱼蛋根腩米，再加多碟腩汁菜芯。呢度声称鱼蛋墨丸自制，鱼蛋细细粒弹牙咁有鱼味，而根腩又几松化唔黐牙，整体都唔太差。捞面嚟到，但系墨丸又未到㖞，咁点搞呢？饮啖汤先啰唯有。点知一饮就上瘾，鲜甜到停唔到口，饮完一啖又一啖……停一停先！试埋个得啲豉油嘅捞面，冇样嘅，但系点解早几年连森美都要推介佢？捞完啲墨丸都系未到嘅，好样啲啦，似豉油皇炒面咁。等唔切食少少先。哗～佢啲甜
上年打风前，帮衬过苏记，当时开尽晒风扇都好热，但系就好够人情味。呢次就轮到苏记对面嘅长发。
行过去𠮶阵，女友就问：「会唔会食到好贵？」
我就咁答：「唔通深水埗食碗面都要百零蚊落楼咩！」
可能系接近六点食饭时间，苏记的确冇咁多人帮衬，而且每枱客只靠麻雀枱橙照明，同灯火通明又开尽晒风扇嘅长发，食客一轮一轮咁接住嚟，真系天与地之比！又咁啱听到啲材料陆续沽清，阿事头婆就话听日（星期日）唔开，所以呢日入少啲货，唔知系咁啱定系好揾到唔做星期日嘞。
班伙记事头个个都系粗豪效率型，一二三就问我哋食乜，一二三就开晒炉头煮面食，总之就同苏记种慢条斯理系两个世界。
其实入到嚟都谂唔到食乜，女友就叫我食豉油捞面，拼个墨丸，佢食鱼蛋根腩米，再加多碟腩汁菜芯。
呢度声称鱼蛋墨丸自制，鱼蛋细细粒弹牙咁有鱼味，而根腩又几松化唔黐牙，整体都唔太差。
捞面嚟到，但系墨丸又未到㖞，咁点搞呢？饮啖汤先啰唯有。点知一饮就上瘾，鲜甜到停唔到口，饮完一啖又一啖……停一停先！试埋个得啲豉油嘅捞面，冇样嘅，但系点解早几年连森美都要推介佢？
捞完啲墨丸都系未到嘅，好样啲啦，似豉油皇炒面咁。等唔切食少少先。哗～佢啲甜豉油真系唔知咩构造，斋捞都咁好味，啲面身又够干爽，食到「索索声」又系停唔到口。啲甜甜咸咸喺把口度夹埋，几香口咁，唔怪得净捞面都咁够胆卖。
食咗大半先上埋碗墨丸，六粒大过鱼丸多啲，浮晒上汤面（虽然冇影相），亦都系咁弹牙同咁够墨鱼丸味。
而最后连墨丸碗汤都饮得七七八八。但系都唔系咁够饱，而且食完之后成晚都好口渴。
题外话/补充资料：
开始时就心谂几十蚊都落到楼。
到埋单睇数……１０６蚊？！乜深水埗食碗面加碟菜都拍得住谭仔？虽然系好味真材实料，但系呢个价钱喺深水埗食碗面，又唔系咁合理。我谂唔到点解食碗面加碟菜而且唔饱可以过百蚊，只能怪通张太厉害。
(以上食记乃用户个人意见 , 并不代表OpenRice之观点。)
张贴
