俺流塩らーめん (新都會廣場)

营业中

休息中

俺流熟成浓汤拉面 $58（需加一)-因为无数次中伏，依家黎到都只会点一号。食过第二款盐汤，又贵又油，面又唔挂唔到汤，感觉中伏。一号胜在价钱较平而且好食。平时食豚骨汤，愈食愈腻，冇办法饮埋碗汤。而呢个盐汤则相反，食第一啖觉得清淡无比，平平无奇，后来觉得咸咸地愈食愈上瘾，最后仲要清埋个汤先安乐，重点系一啲都唔腻🙅🏻桌子上有其他酱汁可供添加，而食呢款汤我就认为原汁原味最滋味。盐汤比较咸，可能唔系人人都钟意。汤底呈乳白色，经猪骨，鸡骨同香葱所熬制，面质弹牙，叉烧普通，食完有少少口渴既感觉。另外饺子都几好食，一口一粒，沾上饺子汁真系无敌💁🏻‍♀️～唔想去葵芳扫街，食呢间都唔错。