沙田一至尊燒鵝·生滾粥品專門店 (已結業)

来到石门揾嘢食，远处已经见到呢间烧味饭人头涌涌，就俾佢吸引左过嚟。餐厅光猛，坐位都几多，不过同隔离枱嘅距离就比较近，出入唔多方便。见佢标榜自己嘅烧鹅系第一，所以就叫咗个叉烧烧鹅饭饭未到先来换例汤，无咩味精味，饮得过。等饭期间见到服务员都好忙，无停手，又不停嗌入黎有几多位等紧咁，如果想午餐可以静静地食个饭就唔好黎哩度了。见到咁多人等亦不其然地会食快啲叉烧烧鹅饭份量好大，叉烧望落去色泽好靓，面头有阵蜜糖立立令反而烧鹅望落无咩肉到味道方面就有啲失望，烧鹅皮咬落去唔脆，肉质无咩特别，又无咩鹅味，系点汁先好味啲，好似同至尊哩个名唔系好夹...而叉烧可能部位问题，啲肉好实好鞋，味道就正常。虽然价钱合理，肉嘅份量都多，不过如果系主打烧鹅就有啲名过其实喇。