影片
更多
2006-02-07
85 浏览
因为凭某某公司积分, 有幸可以换取到两位免费晚餐, 再加一位正价价钱, 当晚, 三人食比一人钱, 否则每位正价都几溶下, 帮衬过后好开心. 因不用太大代价就可以证明以后唔驶再去. 最大特色, 自己拣食物, 自己混酱, 自己调味, 烹煮由厨房代劳. 半煮饭仔游戏. 几得意下, 但无乜好食, 主粮只有面饭粉, 肉类只有猪牛羊, 好闷, 蔬菜瓜果来来去去都系好普通既生菜, 粟米, 蕃加, 甘荀, 红白萝卜诸如此类, 食料几乎可以在自己屋企厨房揾到. 反而佢廿几样酱汁佐料比较精彩, 除见到煮用既绍兴酒, 盐醋糖, 沙爹咖喱酱, 橄榄油, 各式甜酸苦辣配料, 其实至钟意都系招牌蒙古酱, 但好可惜结果出唻既味道好普通, 混错酱还可算数, 但曾经用好简单酱料去配, 都唔觉好味, 食左十round, 唔觉有乜变化, 普通到无伦. 乐在其中, 系咪乐在自由配煮饭仔, 定系乐在食之味道感觉? 经此觉得, 有点迷惘, 食野系应该注重靓料多d, 定系酱料多d, 定系厨房中人必须出神入化? 但呢种自由配既style个人认为深受外藉顾客欢迎, 事实上当晚多半系外藉客.回想呢次撞岩某报出左折扣coupon(但折左都
最大特色, 自己拣食物, 自己混酱, 自己调味, 烹煮由厨房代劳. 半煮饭仔游戏. 几得意下, 但无乜好食, 主粮只有面饭粉, 肉类只有猪牛羊, 好闷, 蔬菜瓜果来来去去都系好普通既生菜, 粟米, 蕃加, 甘荀, 红白萝卜诸如此类, 食料几乎可以在自己屋企厨房揾到. 反而佢廿几样酱汁佐料比较精彩, 除见到煮用既绍兴酒, 盐醋糖, 沙爹咖喱酱, 橄榄油, 各式甜酸苦辣配料, 其实至钟意都系招牌蒙古酱, 但好可惜结果出唻既味道好普通, 混错酱还可算数, 但曾经用好简单酱料去配, 都唔觉好味, 食左十round, 唔觉有乜变化, 普通到无伦. 乐在其中, 系咪乐在自由配煮饭仔, 定系乐在食之味道感觉? 经此觉得, 有点迷惘, 食野系应该注重靓料多d, 定系酱料多d, 定系厨房中人必须出神入化? 但呢种自由配既style个人认为深受外藉顾客欢迎, 事实上当晚多半系外藉客.
回想呢次撞岩某报出左折扣coupon(但折左都要成旧水), 宣传效应以为会好多人, 打电话book位稳阵d, 但电话中只有english speaking, book左后, 多口问佢有无人识讲本地话, 佢话行开左. 之后隔左半日打去想改人数, 都系只识讲英文. 不过咁, 如读者即使唔想用英文去book位, 都无所谓, 因你walk in入去, peak hour都仲有好多位. 其实报纸大卖coupon都咁少人帮衬, 感到有d意外, 唔通真系唔好食? 招呼差? 原价要百五蚊一位太贵? 定或呢份月亮报其实唔多人睇?
从佢横巷仔有个门口, 一入到去记住用英文, 蒙藉伙记识广东话, 但整鬼你只会同你讲英文, 知道佢地系蒙藉因八到佢地伙记之间曾经用蒙语讲'唔系', 坐底后, 每人比只有把牌仔, 等你有无乜特别野叫, 尤其系贵价特饮, 如唔叫, 无水比, 你要就主动叫佢, 然后, 自助餐开始, 袋住牌仔出去, 到食物bar拣野食, 先拣粉面或饭, 然后拣蔬菜瓜果, 再拣肉类, 最后拣埋你钟意既酱汁, 到最后连牌带菜, 队比厨房, 帮你煮, 到时你可番埋位等伙记拎比你食, 镬仔上, 同时牌仔还番比你, 下一round同样咁做. 另外, 佢另一边食物bar有前菜餐汤甜品可享用, 有时觉得呢d仲好食.
服务方面, 当晚带位伙记无讲解成个流程, 真系好弊, 但食物bar上面有黑板写住教你, 不过因环境昏黑, 唔易见到. 另外系香港, 感觉好怪, 多数有非华语服务员餐厅地方, 礼貌上都无本地伙记咁好. 例如放碟清理都几粗下, 又例如知你唔系豪客, 埋单时面口点样? 呢度都唔例外, 呢点上觉得所有有关餐厅都有需要改进.
张贴
