影片
更多
2009-08-10
15 浏览
讲真, 夜晚十点后黎食黑夜寿司, 半价优惠, 一直都唔系太期望佢d野食会好所以都冇乜要求但系, 我黎食半价平野, 唔代表我要连service都只系得一半.d 高级少少既waiter waitress全部黑口黑面, 落左单之后, 唔知点解就有碟寿司o系我地食完晒其他order之后再等左十五分钟都冇黎,我地见其他都黎晒食晒, 咁咪唯有谂住cancel左去埋单走啰.同个疑似经理既waiter讲, 话有一碟冇黎, 唔该佢cancel左去跟住埋单,我地都未讲完, 佢就一句话, "落左order冇得cancel架㖞, d野食出紧黎架喇", 跟住就行左去, 连俾我地再讲野既机会都冇.等左三分钟, 见仲未黎, 我地又揾番o个个waiter, 话仲未黎㖞, 究竟要等几耐架, 我地赶时间.个waiter又系话, "出紧黎架喇, 一系我同你地埋左张单先啦"咁我地都话好啦点知, 等左五分钟, 话埋单, 埋极都埋唔到, 碟寿司又系仲未到, 火都黎埋见到个waiter经过, 咪又问佢, "乜你唔系话同我地埋单架咩"佢应都冇应我地, 只系望一望, 就走左去好喇, 钟意等多两分钟, 有另一个哥哥俾张bill我地, 一
所以都冇乜要求
但系, 我黎食半价平野, 唔代表我要连service都只系得一半.
d 高级少少既waiter waitress全部黑口黑面,
落左单之后, 唔知点解就有碟寿司o系我地食完晒其他order之后再等左十五分钟都冇黎,
我地见其他都黎晒食晒, 咁咪唯有谂住cancel左去埋单走啰.
同个疑似经理既waiter讲, 话有一碟冇黎, 唔该佢cancel左去跟住埋单,
我地都未讲完, 佢就一句话,
"落左order冇得cancel架㖞, d野食出紧黎架喇", 跟住就行左去, 连俾我地再讲野既机会都冇.
等左三分钟, 见仲未黎, 我地又揾番o个个waiter, 话仲未黎㖞, 究竟要等几耐架, 我地赶时间.
个waiter又系话, "出紧黎架喇, 一系我同你地埋左张单先啦"
咁我地都话好啦
点知, 等左五分钟, 话埋单, 埋极都埋唔到, 碟寿司又系仲未到, 火都黎埋
见到个waiter经过, 咪又问佢, "乜你唔系话同我地埋单架咩"
佢应都冇应我地, 只系望一望, 就走左去
好喇, 钟意等多两分钟, 有另一个哥哥俾张bill我地,
一睇就见佢都仲系包埋一直冇出现过o个碟寿司!!!
跟住就同呀哥哥话, 我地呢样叫左成半个钟都冇黎过㖞~
佢就拎张单番去, 后尾另一个姐姐就终于拎张update左既单俾我地喇
其实当日佢地厨房出野出得好乱好慢, 我见有几枱客都问d野食点解未到, 有d又问究竟仲有几多野系未黎架咁. 但系你地厨房问题, 唔应该迫d客一定要系度等等等. 一句唔好意思又冇, 好似仲系我要求cancel个order过份咁样. 仲有, 根本就唔系唔可以cancel, 一开始又话唔俾咁做, 硬要个客o系度等. 我系黎食优惠价既野, 但系唔等于我就要黎受气!
张贴