新富盈四川麻辣米線 (已搬遷) 新店位置

小弟对米线并冇特别偏好。就算系去到云南试过当地地道米线，食完都冇乜大感觉，何况系响香港食到嘅港式冒牌货呢?天口太热，反而思吃，奇哉怪也...上次食过同街嘅云轩居，今次再试埋呢度...价钱相宜，三𩠌米线只卖二十三大洋，加碟油菜都只系二十九，比之前去食轩食𠮶堆嘢，好不知凡几...呢排个人比较热气，就决定唔加辣，清清哋算la..猪润牛肉炸酱米线，附上一个味精汤底...牛肉完全被松肉粉洗礼，肉味全无；炸酱味道温温吞吞；反而猪润够新鲜，够弹牙而冇苦味，加番少少分...油菜竟然唔系普通嘅菜心及芥兰，换嚟嘅系芥菜及胜瓜，够特别。芥菜苦味刚好，我的挚爱^_^俾晒面D猪润及芥菜la...