美心西餅 (康威大廈)

营业中

休息中

食过美心嘅生日蛋糕好多次，每个朋友或者屋企人生日，都基本上系食美心蛋糕。原因好简单梗有一间喺左近，朋友生日，就去附近买个蛋糕庆祝，非常方便。而且屋企人生日食心蛋糕，主要系因为妈咪储埋好多美心现金卷，所以又系选择美心。老实讲食美心蛋糕食到闷，系就算佢哋出唔同款式嘅蛋糕，只有变个造型，蛋糕本身一啲都唔好食。海绵底嘅美心蛋糕，普遍都系咬落去冇软熟感，蛋糕又系偏干。忌廉又偏甜，放几个生果就算。今次如果唔系因为又系因为有美心礼券，真系唔会想嘥钱去买美心蛋糕。造型系几靓，二百几蚊一磅，值钱既地方系边？食落去，红色既海棉蛋糕又系干身的。中间系普通嘅忌廉啫喱同士多啤梨碎，无特色， 夹心就系夹几旧士多啤梨就算数。甘样卖二百几蚊？真心希望佢哋学习下日本人做嘅蛋糕既精神。日本人造蛋糕，系真系为咗令人食咗会开心而俾心机做，香港嘅美心蛋糕，系为咩目的而做蛋糕既？年年去买蛋糕，都觉得佢哋虽然造型越嚟越好睇，但系价钱亦都越嚟越贵，越食越唔好食，去到一个直头过分唔值嘅价钱，如果唔系因为有现金券真系唔会再帮衬。