大自然素食

营业中

休息中

今日约咗个好耐无见嘅好朋友见面，佢知道我钟意食清啲，所以就介绍咗我去尖沙咀美丽华间大自然素食，因为朋友下昼两点至会到尖沙咀，我哋去到已经2：45，所以就攞飞等食3点钟开始嘅下午茶(原来亦可以打电话预约)，3至5点下午茶时段，收费只需半价，所以值得一试！因为我哋两个女仔，所以只叫咗五样嘢，有三文鱼刺身、鳗鱼牛油果卷、鲜竹银杏汤浸翡翠苗、芝麻酱牛蒡丝及煎饺子，就已经食到好饱。总括：职员态度唔错，环境比铜锣湾清洁，食物水准整体都可以，如果再去都只会拣下午茶时段，因为此段时间收费较为合理，正价我就唔会食。