Xi Xup

营业中

休息中

BBQ Roll 猪肉米纸卷 $48咦，米粉卷？米粉占一半以上，食完都唔记得原来当初系叫猪肉米纸卷。Pho Bo 生牛肉河粉 $98汤底牛香，香料味淡淡，味道唔够层次感。配料有牛肉片、牛展、牛丸，肉片半生熟，唔会太韧，牛展有厚度有咬口，但肉味未算浓。河粉滑但过腍，一夹即断。Banh Mi w/ Pork Roll 火龙法包 (猪腩肉酱) $88法包烘到脆卜卜，但面包唔会过干，放咗一阵仲脆。最底系扎肉加蛋黄酱，然后就系满满嘅猪腩肉酱，充满咸香肉香油脂香，腌青瓜红萝卜丝增加咗一层爽脆感。最有惊喜系有炸猪皮，脆卜卜又有油香，系encore之选。