香格里拉米線專門店 (已結業)

每次搭小巴返屋企都会路过此地。太座颇喜欢食米线，今日响旺角四围荡，买完挥春后选择响呢度开餐...见到门口贴住蔡san跟店主嘅合照，断估都唔会太差ge...都系正常𠮶D左搭又搭再配不同汤底嘅米线选择。跟太座不约而同要咗个酸辣汤底，不过自己要嘅系中辣，太座就只叫小小辣...所谓酸辣汤底查实只不过系响原来嘅猪骨汤底之上加上大量酸菜而已，毫不特别。得出嚟嘅结果系又不够辣，又不够酸，味道温温吞吞，失望...配料要咗蒜香白肉、鸡柳及大肠。三样都唔太Ok --- 白肉欠蒜香味，肥肉部份亦不够弹口；鸡柳唔太入味；大肠仲有一咲异味，完全不合格....试了一口太座叫嘅煎猪扒，味如嚼蜡...加叫嘅小偷鸡翼，名称跟谭仔嘅土匪鸡翼同出一辙，但味道就差天共地--- 不错孜然香味颇够，但明显腌嘅时间唔够长，内里嘅肉跟普通炸鸡翼嘅味道并无分别...失败...唯一可取就系个米线本身--- 烟韧、弹牙...用佢嚟配普通嘅煎火腿及餐肉好过la...