羅東肉焿番

营业中

休息中

呢排见好多人都食肉松芋泥吐司，好似好好食甘，知道元朗有得食。今日过开黎元朗，冇理由唔去食既。星期日未到七点就去到，都要等左阵先有位。我地叫左1号招牌罗东肉焿汤餐，肉松芋泥吐司同仙草芋圆2号。罗东肉焿汤餐有碗鲁肉饭，食落唔肥腻，但成碗饭唔热既，虽然味道可以。罗东肉焿汤我地唔系好识欣赏，系我地唔好有茨既汤，旧肉口感系结实既猪肉，而且又系唔热既。套餐有跟野饮，要左热冬瓜茶，好浓冬瓜味，但系偏甜。肉松芋泥吐司冇令我失望。芋泥幼滑带甜味，估唔到肉松可以同吐司一齐食，几夹。我略嫌芋泥份量偏少，再多d好d。仙草芋圆2号好足料，有仙草，三色芋圆，白色小丸子同海藻水晶，不过不失，但好抵食。