影片
更多
2017-07-23
493 浏览
由于前晚同老公o系隔离东海荟食晚饭时,见到迷你月饼做特价,而且我应该未食过东海月饼,就先以优惠价$201.00,即场买o左原价$266.00一盒8个o既迷你奶黄月饼劵,到中秋节分俾家人,但后来谂谂吓,觉得奶黄月饼好普通,于是决定同老公o系寻日(22-7-2017 Sat)晏昼再过o黎买另外一盒8个,有4种味道o既迷你月饼两盒,咁一家人就分得匀.而咁o岩,女友人WK一朝早揾我,问我得唔得闲,佢俾手信我,真客气.我话佢知我同老公会o黎呢o度后,佢就join埋我o地一齐.就系咁,我o地3人一齐o黎食,我同WK o黎攞位先,我o地o系等o既时候,睇吓佢o既蛋糕甜品,好似好吸引,我又见到东海月饼o既宣传牌摆o左o系o度,原来呢间都系东海集团o既.我o地等呀等,终于等到,等o左接近半个钟,终于有位,冇耐我老公都到o黎,研究o左menu 好耐,原来早,午,晚三餐时段o既选择唔多,午餐包饮品但唔可以加钱升级要特饮,要以正价叫,而最吸睛o既海涛窝夫,只o系3点至8点供应,最后我o地要o左:1. $88.00o既全日早餐有松露炒嫩蛋,芝士烤蘑菇,风干火腿,牛角酥,茄汁焗豆,烟肉,猪肉肠同烤番茄.松露炒嫩蛋
到中秋节分俾家人,但后来谂谂吓,觉得奶黄月饼好普通,于是决定同老公o系寻日(22-7-2017 Sat)晏昼再过o黎买另外一盒8个,有4种味道o既迷你月饼两盒,咁一家人就分得匀.而咁o岩,女友人WK一朝早揾我,问我得唔得闲,佢俾手信我,真客气.我话佢知我同老公会o黎呢o度后,佢就join埋我o地一齐.就系咁,我o地3人一齐o黎食,我同WK o黎攞位先,我o地o系等o既时候,睇吓佢o既蛋糕甜品,好似好吸引,
我又见到东海月饼o既宣传牌摆o左o系o度,
原来呢间都系东海集团o既.我o地等呀等,终于等到,等o左接近半个钟,终于有位,冇耐我老公都到o黎,研究o左menu 好耐,原来早,午,晚三餐时段o既选择唔多,午餐包饮品但唔可以加钱升级要特饮,要以正价叫,
而最吸睛o既海涛窝夫,只o系3点至8点供应,
最后我o地要o左:1. $88.00o既全日早餐
有松露炒嫩蛋,芝士烤蘑菇,风干火腿,牛角酥,茄汁焗豆,烟肉,猪肉肠同烤番茄.
松露炒嫩蛋o既松露落得o岩o岩好,好香;蛋系嫩,唔错.
风干火腿唔太咸;烟肉就好咸;猪肉肠,烤番茄同茄汁焗豆正常冇问题;芝士烤蘑菇冇乜味,不过唔会太干; 牛角酥牛油味淡,而且都唔算好酥,一般.
味道: 2.75分
热奶茶,就系俾红茶我自己加糖加奶,
咪就系冇味啰.味道: 0分
2. $118.00o既车打芝士烟肉流心蛋牛肉汉堡配薯条
老公o既主食,佢俾啲啲我食,牛肉汉堡冇味而且口感实,有冇搅错?老公话要连埋佢o地腌过o既红洋葱食至有味, 生o既红洋葱腌过后,味道似荞头,不过有少少辣味.而个包呢,带有少少咸味,外面仍烤得脆.
而原来个牛肉汉堡系中空,要o黎摆流心蛋.
味道: 2.67分
冻咖啡,
老公话唔错.
3. $108.00o既低温烤春鸡半只配意大利黄意瓜伴烧汁
呢个系我o地坐低后,隔离枱吹过o黎o既香味吸引我o地,
但只鸡又系冇味;只系配菜好味.味道: 1.75分
热咖啡,WK食完o野至叫上,佢话都OK.
食完呢主食后,就谂食甜品.都系放弃$168.00两位用o既海涛窝夫tea set,改要柜里面o既甜品,我o地要o左:
4. $32.00o既蓝海mousse
呢个系老公o既,我o地大家都互相试啲,底下o既mousse系牛奶味,上面浅蓝色啫喱屠食唔出咩味,只知清清地,唔太甜.
味道: 4分
5. $35.00o既草莓吉士挞
呢个系WK o既,我同老公只食士多啤梨,士多啤梨侧边o既系开心果碎,增加口感之所以, 开心果碎亦都好好味.
WK话吉士冇乜蛋黄味.
味道: 1分
6. $30.00o既蛋白柠檬吉士挞
呢个系我o既,上面o既蛋白好甜,轻轻一烧,有啲香脆,而佢本身都够挺身,而下面o既柠檬吉士就酸酸地,中和返蛋白o既甜,最或系有层蛋糕,几松软;而个挞皮都几硬同甜,一般.
WK就话呢个清清地,唔错.
味道: 4.5分
服务:
本来都唔错,但一个年纪应该系最大o既女侍应,系咁问我o地落单未,又企o系o度等,我已经同佢讲我o地谂谂.我影menu,佢又昅实,想点?
价钱:
新开张期内,全单有85折,
不过贴士冇85折,即系$411.00-($411.00*0.15)+$41.10=$390.40.
1.9分
张贴
