米線哥 (已結業)

今日計劃好午飯過後到位於太子的煤氣公司睇煮食爐同抽油煙機, 所以揀左附近呢間食評不錯的米線哥LUNCH。我地嗌左藥膳麻油雞米線, 辣肉燥, 香辣豬頸肉牛肉酸辣湯米線, 凍檸百事同凍檸茶。首先湯底方面, 味濃, 不其然令我將佢同譚仔比較, 大家同樣是味精頗重, 而藥膳麻油雞湯的薑放太多, 蓋過了其他食材的味道。肉類方面, 雞, 豬頸肉同牛肉同樣不甚新鮮, 沒有肉味, 肉質也偏乾硬。辣肉燥的調味很單一, 一丁丁的辣味和很重的豉油味。成碗麵覺得最好味既係D圓肉即係龍眼肉, 大粒又甜。老實講, 覺得譚仔都要比佢好味, 雖然都係味精湯, 但譚仔起碼有D層次, 配上質素穩定的土匪雞翼, 簡單快捷的一餐。