牛芳百世 (已結業)

本来去到尖沙咀想食「北京填鸭」，但因为时间关系，见到附近呢间餐厅，广告相入面2碗牛腩好大件，睇个价钱都60-75 ，见到个名咁有霸气，便打算试下！！入到去，谂住试下最出名崩沙腩，点知原来买哂。都唔紧要，就试下佢个招牌牛腩饭，牛丸面，4只鸡翼。本来一心期待，点知碗野来到我眼前，成碗都是4「大」件的白萝卜，但牛腩只有「三细片」，个心即刻碎哂。心谂：究竟是俾$60是食大萝卜或是牛腩呢！我冇理由揾老板俾多几块牛腩。都唔紧要，$60一碗，可能佢d牛腩真系好味先到得3块。即管试下，根本同香港仔鱼蛋既牛腩质素一样，起码比呢间再多几块牛腩。食完牛腩，得返一大碗萝卜，食完都仲好肚饿，仲要有背脊骨落嘅感觉。我知道尖沙嘴食野要计埋铺租，但系俾$60去食主菜萝卜多个牛腩既饭，点都食唔落，我宁愿俾$300几蚊去食点皮鸭都仲开心d。之后search Openrice, 睇返呢间野嘅comment ,原来不只是我一个人中伏，还有很多食家中伏。呢个教训我下次试新野，要去OpenRice睇一次先。