三姐松記糖水 (已結業)

过左情人节都要甜甜蜜蜜，今日同男朋友入左深水埗买电话卡，突然想食啲甜野，一谂就谂到三姐松记。三姐只有一间，大家唔好去错啦下午茶时间都有好多客人等位。甜品选择好多，仲话款款都亲手造，天然无加大量糖水糖粉架。芒果肠粉。加入新鲜芒果酱。男朋友超钟意食芒果，肠粉用海藻粉蘑成，非常薄真是超级薄皮，芒果清楚见到大大旧，入口清甜不会带酸，芒果香甜浓厚天然，非常健康。抹茶心太软。心太软喺我至爱啦每次去食甜品一定点。外层蛋糕松软，抹茶酱流心度极高，抹茶不会太浓太苦，入口回甘清香。配上原粒红豆和雪糕，好欣赏。