太子美食

营业中

休息中

富亨邨是一个非常特别特屋邨，离市中心都要行20分钟，入面一个小市区，基本需求都有。最初街市仍有人去买下𩠌，近呢几年，越黎越少，因为卫生问题，同埋餐厅选择少，居民多数去大埔中心食埋野再去街市走一转，而大元邨街市又多野卖又平。最初因为示威行动，我迫不得意在呢间餐厅食。先讲环境，全场包晒，街市唯佢独尊。但枱椅既干净就一般，好多乌蝇飞， 同埋抹枱布一望就知由早用到晚。 伙记效率好快，但口面就因人而异， 熟客仔就会面带笑容，最弊太过热情，高谈阔论，令环境嘈到不得了，带住headphone都挡唔住。食物有d偏咸， 我食牛什面，牛什味香浓，但个旧萝卜就做多咗，唔香唔热，咬落去感觉曾经雪好耐，一咬就碎,但好彩其他都好热，所以我觉得都值。 另一次食下午茶，酸辣猪扒米线，米线ok, 猪扒香，但个酸辣就怪d,佢既酸系黎自柠檬汁既酸，同平时x哥个d差好远。不高呢度胜在食物种类多，如果改一下清洁，同服务员既嘈吵及态度，一定好过其他邨内的餐厅。