Cafe 360 (已結業)

想揾一间冇乜人等位,平平哋又唔使同人逼嘅餐厅既话,我会选择cafe 360。一search之下先知道原来得返屯门深水埗有分店,今日咁啱嚟到屯门食lunch,为咗静静哋就拣呢度。自问系一个酥皮汤爱好者,order呢个肉酱肉丸意粉+酥皮汤set lunch,完全系为咗要个汤一如以往意粉都系净返一半冇食到, 一嚟系因为块酥皮已经好饱,二黎系因为呢度既意粉相当普通,之前试过其他款式嘅意粉味道都比较淡,所以今次就拣肉酱,不过只可以话都系一般般。朋友就拣咗炸鸡窝夫螺丝粉套餐,眼见佢都食净一半螺丝粉,窝夫比较硬,同样都系麻麻地。总括而言,觉得午餐畀大概每位70蚊嘅价钱,可以唔需要等位,唔需要限时,唔使搭枱,呢度舒舒服服食个lunch绝对系适合既,至于嘢食方面个人就真系认为好一般。