小苗子 (已結業)

最近为环保，健康同减肥，lunch开始转食素，行过小苗子见佢素menu 好多选择就停低拣下，拣左个素鸡浓咖喱饭。一落单阿姐已经收错$，明既，餐牌咁多款式，外卖堂食唔同价钱，系好烦。唔紧要。我等外卖时见餐厅冇人，就喺度睇佢餐牌，真系好多野拣，但阿姐好有意见咁叫我企埋一边等，好啦，冇咩事我行返出舖头先。讲返食物，量好够，有大量蔬菜包括秋葵番薯番茄茄子磨菇西兰花等，素鸡得两块系少d, 个饭大约一碗，OL就肯定够食，仲有杯罗宋汤。味道黎讲，个咖喱汁都香，有奶香同少辣，素鸡就冇乜味，不过个咖喱汁好味补救。罗宋汤就除左酸味饮唔到其他味。整体黎讲，招呼不周但食物方便睇得出有用心，$60一餐已经算系咁。