影片
更多
2008-11-04
33 浏览
因为见佢喺网上个 promote 样几有趣，而且仲有几款味道咁精致认真，我哋就决定入去试吓，今晚呢餐我哋叫咗： Mini Trio 迷你汉堡包三重奏：包括牛肉、火鸡、蟹饼三款。最好味都仲系牛肉，肉身好厚呈粉红色半熟状态啱啱好，一啖咬落去肉汁四溢，滋味无穷！入面啲青瓜又酸又甜，越食越想食，车打芝士溶喺牛肉上面，同肉汁打成一片，真系好味！火鸡 mini 冇想像中咁嚡咁硬，亦比想像中浓味，配埋蕃茄片唔错！蟹饼系第一个放入口嘅，可以食到好丰富嘅蟹肉，唔似炸过但系又唔会散开，同场有新鲜蕃茄片同生菜，可以一清味蕾，入面嘅酱汁亦配搭一流！ 呢个 mini 一次过满足晒三个愿望，三个唔同嘅包入面料唔同，酱汁都唔同，真系好有心思同埋心机！点可以唔嚟 encore！伴碟嘅薯条亦毫不马虎，炸得金黄脆口，入面仲软稔稔，热辣辣，点唔点蕃茄酱都得啦！ Nachos 芝士辣肉酱焗玉米片：玉米片劲香脆，配上浓浓既半溶芝士，肉酱、酸咪咪嘅sour cream，钟意芝士同味浓嘅我哋根本冇法抵受咁大嘅诱惑，唔觉意食咗大半先惊觉停低影番张相再继续，实在真系太好食嘞！ Caesar Salad with sautéed shr
因为见佢喺网上个 promote 样几有趣，而且仲有几款味道咁精致认真，我哋就决定入去试吓，今晚呢餐我哋叫咗：
Mini Trio 迷你汉堡包三重奏：包括牛肉、火鸡、蟹饼三款。最好味都仲系牛肉，肉身好厚呈粉红色半熟状态啱啱好，一啖咬落去肉汁四溢，滋味无穷！入面啲青瓜又酸又甜，越食越想食，车打芝士溶喺牛肉上面，同肉汁打成一片，真系好味！火鸡 mini 冇想像中咁嚡咁硬，亦比想像中浓味，配埋蕃茄片唔错！蟹饼系第一个放入口嘅，可以食到好丰富嘅蟹肉，唔似炸过但系又唔会散开，同场有新鲜蕃茄片同生菜，可以一清味蕾，入面嘅酱汁亦配搭一流！ 呢个 mini 一次过满足晒三个愿望，三个唔同嘅包入面料唔同，酱汁都唔同，真系好有心思同埋心机！点可以唔嚟 encore！伴碟嘅薯条亦毫不马虎，炸得金黄脆口，入面仲软稔稔，热辣辣，点唔点蕃茄酱都得啦！
Nachos 芝士辣肉酱焗玉米片：玉米片劲香脆，配上浓浓既半溶芝士，肉酱、酸咪咪嘅sour cream，钟意芝士同味浓嘅我哋根本冇法抵受咁大嘅诱惑，唔觉意食咗大半先惊觉停低影番张相再继续，实在真系太好食嘞！
Caesar Salad with sautéed shrimp 虾凯撒沙律：水准都仲系保持得好好，选菜新鲜，碟入面冇水份留低，入口爽脆，一份有六只虾仔，又爽又弹又鲜味，沙律汁亦够晒醒胃，parmesan cheese 就好浓好好味，配埋香脆嘅多士粒，整体上冇得弹，再一次搞到我哋食咗一半先记得未影相！
因为夜嚟所以唔驶排队而且可以唔慢慢食，侍应唔会急住返枱，几悠闲，下次都会再去！
张贴
