鍋心粥底火鍋 (積存街) (已結業)

週五晚同朋友去食鍋心～已經係第四次食啦，每次都好滿意～餐廳根本唔需要點餐，只需要嗌自己既飲品同其他配料；至於海鮮等材料店鋪已經準備好曬～服務周到！一開頭就落蟹先，因為需要煮既時間比較長；等食期間都可以食住沙律先～每款海鮮都有特定煮既時間，每張台都有指示～仲附上timer俾你計時我地食既步驟係蟹～蝦～魚～貝殼類～再落配料～最後食粥海鮮好新鮮，啲🦐每隻都好新鮮會郁！而且份量剛剛好～食完仲有粥食！啲粥有曬所有海鮮既精華～好鮮甜！最後食唔曬都堅持要打包返屋企延續美味