兩草 (銅鑼灣道) (已結業)

两草呢个名听咗好耐，但系一直都冇食过，今日出开铜锣湾，就同个朋友嚟试吓，试完之后结论系自己都煮到嘅质（sorry to be mean🤧），可能一开始系个价钱赢到话题，所以咁多人慕名而来。由细铺搬大舖，两间嘅距离其实大概70步，好近。我哋差唔多每样都order 咁滞：1- 肉骨茶小笼包：肉骨茶唔重胡椒味，但系有肉骨茶味嘅；小笼包入面有汤汁，加分。2- 脆边蛋煎肉饼饭：可能期望太大，所以都几失望。。。望落去靓仔嘅，只可惜肉饼冇乜味，蛋黄都做唔到可以捞饭，整体系靠佢嘅秘制捞饭豉油攞味。。。。3- 滑蛋叉烧饭：同煎肉饼饭差唔多，简单讲都系靠捞饭豉油，个蛋系属于正常或但质素，当然无出名嘅冰室做得咁滑溜。。。。4- 咖央多士：咖央超甜，好重椰糖味，牛油就好香好味，讲真，第一次食呢种味嘅咖央，同新加坡同马来西亚本地嘅完全唔同味简单总括一下，如果你哋系想饮有质素肉骨茶嘅，唔使嚟呢度，想食有质素叉烧滑蛋饭嘅，可以去上环，想食有质素咖央多士可以去返深水埗或者太子。但！如果想贪得意又想趁下热闹，又想试吓嘅，黎一次无妨。虽然唔系好，但唔系差， 属于一般质素，对得住个价钱。