第五街冰室 (京瑞廣場) (已結業)

知道陈根记搬咗去石门，一于搭车去怀旧下，点知冇开门，就拣佢旁边嘅第五街冰室食午饭。行入去都有啲怀旧feel，有卡位，有长木枱，坐低睇下个餐牌先，set lunch选择唔算多，我拣咗两个饭，另外叫咗一个 怀旧餐，再加多一个沙律。怀旧餐其实都系例牌菜，拣猪润或者叉烧再配面、米粉、意粉等，我拣咗猪润，猪润新鲜，公仔面煮得恰到好处，再上火腿煎蛋加蒜蓉多士，加杯奶茶，味道一般，冇乜怀旧惊喜。午餐咖哩牛肉饭，呢度菜嘅灵魂系咖哩汁，汁够浓郁，带点辣，牛肉就一般，整体都系一般。另外一个是菠萝茄汁焗猪扒意粉，猪扒吾韧，但系冇乜味，如果其他配料有味，加埋一齐食都可以，可惜菠萝和茄汁都唔酸唔甜，所以好一般。最后是烧鸡沙律配千岛酱，烧鸡不错，够霖也滑身，配上新鲜沙律菜，不错，加多杯红豆冰，可惜红豆吾够霖。4人平均每位$60，不过不失啦，石门咁多餐厅，下次可以试其他啰。