菊膳日本料理 (已結業)

大年初二晚，托我妹妹既鸿福，有幸可以去海港城顶楼停车场睇烟花。我呢d一向对"食"好有planning既人, 晨早就谂定睇完烟花去边到食饭同book定枱啦~ 但因为系年初二既原因, 大部份餐厅一系未开工, 一系爆棚... 又要考虑到睇完烟花人潮阻塞既问题, 最后决定左试一试菊膳...奇怪，人地间间都爆满，我地去到餐厅既时候居然得2枱客，仲要望落都系国内游客... 已经觉得有问题...打开menu，一望原来系"高级货"，唔紧要啦，新年开心嘛，我地一行5人就系咁叫；系咁食... 讲真，食物质素真系麻麻... 食日本菜黎讲，最重要既连鱼生都唔新鲜，其他夀司呀、卷物呀、串烧呀、锅物果d，普通到同食放题差不多唯一可取之处系，佢地既服务不错。亦可能因为根本客都冇个既关系，唔serve你serve边个呀，每食一、两道菜都会主动换碟，旁边既waiter都好醒目，见到我地想要乜都即时送上，呢样野真系其他餐厅好难揾到既~最后望到张单，打左个突，盛惠$4,5xx